жемтүсу
зат. Жылқы тұяғының іріңсіз қабынуы. Бұл жылқыда ғана болады. Көбінесе екі алдыңғы не екі артқы тұяғына, кейде төрт тұяғына жем түседі. Алдыңғы тұяғы ауырса жүрелеп көсіледі, артқы тұяғы ауырса бүрісіп, аяғын бауырына тартады. Ауру жылқы басын, мойнын көтере алмайды. Тұяқтың қызуы көтеріледі. Жемтүсу ұзаққа созылса, тұяқтар бүрісіп қалады. Жемтүсудің негізгі себептері қатты шауып, алқынып еті қызған жылқыны кенет салқындату, ыстықтай суық суға шомылдыру, құрамында азоты көп (бидай, көк жоңышқа) және шіріген, көгерген жем-шөп беру. Емі: алғашқы 2—3 күн тұяқтарын суық суға езілген сазға батырады, ауру аяғын жіліншегінен төмен қарай ысқылайды.
аяғына жем (қан) түсті
Суытпай отқа қойылғандықтан жылқы малының аяғының ісіп ауруы, ақсай қалуы.