жеңге
зат. Туыстық атау. Ағайынды адамдардың үлкенінің әйелі іні-қарындастарына жеңге болады. Ауылдас, рулас адамдардың жасы кіші ұл-қыздары да аға есептелетін үлкендердің әйелін жеңге дейді. Тіпті қазақ дәстүрінде жақын болсын-болмасын өзінен үлкеннің әйелін жеңге деп атай береді. Бұл арада әйелдің жас үлкендігі есепке алынбайды. Кейде жеңгенің іні-қарындастардан жасы кіші болуы да мүмкін. Әдетте жеңге мен қайындары, қайынсіңілілері өте тату, сырлас келеді. Абысындардың кішісі үлкенін, жасы кіші ер адамдар жеңгесін «Жеңеше» деп атайды. Бұл үлкенді сыйлап, атын атамаудан туған.