күйек алу
Қой отарына қошқар қосу. Бұл үшін саулықтар іріктеліп отар құрылады да, оларға асыл тұқымды қошқарлар белгіленеді. Асыл тұқымды қой шаруашылықтарында тұсақты тұңғыш рет күйекке 2,5 жасында (басқа шаруашылықтарда 1,5 жасында) қосқан пайдалы. Өйткені бұл жасқа дейін толысып үлгереді, еділбай қойының тоқтыларын (қоңды, ірі) 8—9 айлығында қосады. Күйекке 2—3 ай қалғанда отардағы кәрі, ауру саулықтар жарамсыздыққа шығарылып әлсіз және арықтары күтімге алынады. Арық саулықтар да күйлейді, қошқардан шығады, бірақ бір айдан кейін саулық іш тастауы мүмкін. Қысыр қалмауы үшін және егіз қозы алу үшін саулықтарды алғашқы күйітінде 2 рет ұрықтаңдыру керек.