күйекті қошқар
зат. Саулықтардың күйітін қоздыру және күйлеген саулықтарды. дер кезінде анықтау үшін, бірақ саулықты қашырмас үшін белдемесіне жұқа кенеп не шүберек байлап отарға жіберілген қошқар. Күйекті қошқарды тұқымдық саласы төмен, бірақ қажырлыларынан іріктейді. Күйлеген қойды дер кезінде іріктеу үшін отардан 150 қой бөліп, оған 4—5 күйлеген қошқар қосады. Қолдағы күйлеген қошқарды бірден отарға қосуға болмайды. Өйткені олар бір-біріне бөгет жасап, тез шаршайды, әрі саулықтарды қуалап жүдетеді. Бір отарға әдетте 7—8 күйекті қошқар жетеді. Күйек науқаны аяқталған соң, күйегін алып мұндай қошқарларды 20 күнге дейін отарға қосып жібереді.