күйіс қайыру
Жылқыдан басқа малдың жеген шөбін қайтадан шайнап бойына сіңіруі. Мүйізді ірі қара, қой, ешкі, түйе сияқтылардың көптеген түріне тән физиологиялық процесс.Күйіс қайыру кезінде таз қарын мен жұмыршақ қарындағы шала шайнап жұтылған азық ашып, белгілі бір уақыт өткеннен кейін мал аузына қайта келеді. Күйіс қайыру мерзімі келгенде, қарын қабырғасының, көк еттің жиырылуынан қарын аузындағы қысым төмендеп, азықтың біразы қарыннан өңештің көңдеу келген төменгі қуысына өтеді де, өңеш кері жиырылғанда, мал аузына келеді. Күйсейтін азық өңештен өткенше, мал тыныс алмайды. Көптеген жануарлар тәулігіне 6—8 рет күйіс қайырады.