ноқта
зат. Ауыздығы жоқ жүген тәрізді, мал басына кигізілетін ер-тұрман әбзелі. Ноқтада жүген сияқты сулық, ауыздық болмайды. Сулықтың келетін жері сүйірленіп бітіп, оған тізгін жалғастырылады. Бұл жерге шылбыр бекіткенде мықты болу үшін темір шығыршық орнатады. Ноқтаның сағалдырығы, мұрындығы, тебелдірігі болады. Атқа жүген салғанда ноқта соның астыңғы жағына кигізіледі. Атты мамаға осы ноқтадағы шылбыр арқылы байлайды. Ноқтаны көбінесе қайыстан, жүннен жасайды.