оқшантай
зат. Оқ-дәрі салуға арналған қалта. Оқшантай қазақ зергерлері жасаған ұлттық бұйымның (кісе қалталы былғары белбеу) төменгі жиегіндегі шығыршықтарға іліп қойылған. Белбеуге оқшантаймен қатар пышақ қыны, қылыш қыны сияқтылар да ілінеді. Оқшантай сапиян былғарыдан жасалады. Оқшантайдың етек жағы дөңге-лектеніп келеді, жоғары жағы оймалы, сүйірлеу болады. Кейде оның айналасы былғарыдан шашақ салып тігіледі. Белбеудегі шығыршыққа ілу үшін оқшантайдың жоғарғы жиегіне күмістен немесе темірден ілгек орнатылады.
зат. этногр.
Жоғарғы жағын сүйірлеу, етек жағын доғалдау етіп келтіріп, былғарыдан тігіп, белдікке тағып, оқ-дәрі салып жүретін қалта.