піштіру
ет. Жануарлардың жыныс бездерін алып тастауы. Піштірілген малды ақта дейді. Жылқыны ақталау үшін піштіреді, бұқаны, бураны кестіреді, қошқар мен текені тарттырады. Үйірге салынбайтын қазақы жылқы тұқымын құнанында, дөненінде піштіреді. Егде жасында ақталған айғырды, қошқарды азбан дейді. Бұқаны 1,5—2 жасында, буыршын мен үлекшені құнанша, дөненше кезінде, қозы мен лақты 1—2 айлығында ақталайды.