сиқырлы таяқ
зат. Таяқпен ойналатын ұлттық ойын. Ойыншылар қол ұстасып, шеңбер бойында дөңгелене тұрады. Қолына таяқ ұстаған ойын жүргізуші шеңбер ортасына шығып, ойын шартын жариялайды, ойыншыларды нөмірлеп шығады. Содан кейін кез-келген бір нөмірді атайды да, жерге тіреп таяқты жібере салады. Нөмірі аталған ойыншы таяқты жерге құлатпай ұстай алса, өз орнына барады, ал таяқты құлатып алса, айыбын тартады, ойыншылардың ұйғарымымен ортаға шығып өнер көрсетеді. Ойын шарты бойынша, әр ойыншы аз дегенде бір реттен ортаға шығарылады.