судыр-судыр
Қазақтың күлдіргі ойындарының бір түрі. Ойнаушылар аяқтарын жартылай көсіліп, тізелерін түйістіре алқа-қотан отырады. Дөңгелене отырған ойыншылар «судыр-судыр» деп қолдарын тақымдарының астына жүгірте отырып, орамалды бірден-бірге жылжытады. Ойын жүргізуші оны тауып алуға тырысып, айнала іздейді. Іздеуші орамалды таба алмаған жағдайда оны ойыншылар «Айда судыр» деп, ширатылғай орамалмен ұрғыштап отырады. Ойын жүргізуші орамалды тауып алса ұсталған кісіні айыптап, ортаға шығарады, не ән айтқызып, би билейді. Ойынды «айыптылар» жалғастырып отырады.