тері ұқсату
Сән және қосалқы өнерінің кең тараған бір түрі. Ат-тұрман әбзелдері, киім-кешек, үй-іші жиһаздық заттары көбіне теріден жасалады. Тері ұқсату қалыптан қатыру, өрнектеп тігу, батырып бедерлеу, бояп құрастыру, өрмелеп тоқу әдістерін қамтиды. Шылғи қайыс, шикі тері, көн және тулақ кереге көктеп, ер қаптауға, саба, торсық тігуге, тегене, қорамсақ жасауға қолданылады. Иленген теріден негізінен киім-кешек өндіріледі. Таспа өру ісмерлігінің де тері ұқсатудан алар орны үлкен.