туырлық
зат. Киіз үй бөліктерінің бірі. Киіз үйге уықтың қарынан асырып, үзіктің етегін ала керегенің аяғына дейін жабылады. Туырлықтың жоғарғы ішкі шетіне кейде жалпақтығы 70—80 см-дей өрнектен жиектеме (қас) тігіледі. Ол шұғадан (қызыл, көк т.б.) ойып жапсырылып, шет-шеті түрлі түсті жіппен кестеленеді. Туырлықтың қасы үзікпен астасып, үй ішіне әсем көрік беріп тұрады. Туырлықтың үстіңгі екі шетіне термелеп тоқылған бау тағылады да, сол баулар арқылы уық үстінен айқастыра тартып байланады.