түйе-түйе
Ойын аты. Ойыншылар 2 топқа бөлінеді: 1-топтың адамдары — бірі інген де, қалғандары боталар. 2-топтың ойыншылары ойын жүргізушінің әмірімен жан-жаққа бытырайды да, інген боталарын бір-бірлеп ұрлайды. Барлық ботадан айырылған інген боздап, қайғылы, зарлы да мұңлы ән шырқайды. Сөйтіп «қарақшы» топқа тап болады. Осы кезде ойнаушылардың барлығы бір жерге жиналады. Ботасын ұрлаған «қарақшылар» қалай қарсы алғандарына қарай інген оларға жаза қолданады. Бұдан кейін інген мен боталардың орнына өзге адамдар болады да, ойын жалғаса береді.