шертер
зат. этногр. Қобызға ұқсасып келген қазақ халқының көне ұлттық аспаптарының бірі. Шертіп ойнау тәсіліне байланысты шертер деп атаған. Ол екі немесе үш ішекті болып келеді. Ертедегі шертерлер ағаштан ойылып, шанағы көнмен қапталып жасалатын болған. Пернесі болмайды, ішектің орнына аттың қылы тағылады. Жалпы тұрқы 650—700 мм. Ойнау тәсілі домбыраға жақын болғанымен, жасалуы жағынан қылқобызға көбірек ұқсайды. Шертердің суреті 1865 жылы Парижде Б. Залескийдің басылып шыққан альбомынан табылды.