шідер
зат. Аттың алдыңғы екі аяғымен, артқы бір аяғын қосып тұсайтын тұсамыс. Мұның үш тұсауы, үш тиегі және бұлардың арасын қосатын өресі болады. Шідермен жылқының алдыңғы екі аяғы жіліншігімен, аттанар жақ артқы аяғы тілерсегімен тұсалады. Көбіне қашаған, жүреген жылқыға қолданылады. Ол қылдан, қайыстан, кейде шынжырдан да жасалады. Шідердің өресі қайыстан өріліп немесе шынжырдан жасалады.