қақыра
зат. Балықшылардың қамыс күркесі. Қақыраны бой қамысты өткермелеу әдісімен тоқып немесе тігінен қатарластырып бумалап, белдеуін талмен, болмаса шілікпен бұрап, іші-сыртын сылап, әктейді. Ішіне қамыстан тоқылған бойра, бума қамыстан жасалған төсек-орын төсейді. Қақыра жанында балық кептіретін көлеңкелі лапас, ыс күрке, ау жаятын қадалар мен балық тұздайтын сөре, оны күнге қақтап кептіретін өре болады.