қаршы
зат. Киізден жасалған, көрпе-жастық салып қоюға арналған бұйым.
зат. көне
Қазақ халқының ертеден келе жатқан киіз үй жабдығы. Оның пішіні сандық іспеттес төрт бұрышты болады. Қаршыны шымқай ақ киізден жасайды да, бетіне, қақпағының үстіне, және екі бүйіріне қызыл шұғадан оюлы өрнек жапсырады. Ол өрнектердің шетін басқа түсті жіппен кестелеп тігеді. Қаршының ұзындығы 120 см, биіктігі 80—90 см шамасында болады. Қаршы көрпе-жастық салып қоюға арналған өте қолайлы да әсем бұйым. Оның ішіне салынған көрпе-жастық шаң баспай, таза тұрады.