қозыжауырын
зат. Сауыт бұзуға арналған жебенің басындағы ортасы қырланған, екі жүзді, ұшы болат жалпақ масақ (оқ). Оның өткір, екі жүзді болат масағы қақсал болып кепкен еменнен, самырсыннан, қамыстан жонған оқтың ұшына бекітіледі. Қозы жауырын жебені қос жауырын садақпен атқан. Екі жарты шеңберді түйістіріп, түйенің жар қайысынан ораған. Екі жақ серперін өгіздің жон терісінен бұрап ескен адырнамен тартып, бекіткен садақты қозы жауырын жай деп атайды. Мұндай жақ пен жебе сом және мелжемді болғандықтан, қозы жауырын оқты аса күшті және көп жаттығып үйренген қолы әлді батырлар ғана тарта алған.