қошқар
зат. Қойдың жыныстық қуаты жетілген еркегі. 4—5 айлығында еркек қозының жыныстық қуаты жетіле бастайды. Осы кезде олар ұрғашы тоқты мен саулықтан бөлінеді. Қошқар қоюға белгіленген еркек тоқтылар іріктеліп алынып, бір жасқа толғанда ерекше күтімге алынады.1,5 жасында саулыққа қосады. 50—100 саулыққа бір қошқар жібереді. Қошқарды 7—8 жасқа дейін саулыққа қосады. Тұқымдық қошқар тобын ең жақсы өрісте бағып, оған қосымша жем, сапалы пішен береді.