қыз кәде
Қазақтың ұлттық ойыны. Кей жерлерде бұл ойын «Қыз жасырынбақ», «Қол ұстасар», «Бала ұялтар» деп аталады. Ұрын келген күйеу мен қалыңдықты ең алғаш қонаққа шақырып «қыз кәдесін» алған үй еткізеді. Ойынға күйеу жолдас пен күйеу, құрбы қыздарымен, жеңгелерімен, апа-сіңлілерімен қалыңдық және ауылдас жастар қатысады. Алдымен күйеудің қасына балдыздары, қайын бикелері, соңынан күйеу жолдастың өлеңмен сұрауы бойынша қалыңдықты отырғызады. Той бастар елеңі айтылып, әр түрлі ұлттық ойындар ойналады. «Қыз кәде» қыста үй ішінде, жазда киіз үй мен жайлауда өтеді. «Орамал тастамақ», «Хан қалай?», «Ақы сұрасу», «Алтын қабақ ату», «Теңге табу», «Жұмбақ шешу», «Жаңылтпаш айтумен» басталған думан жазық алаңға шығып «Қыз қашар», «Айгелек», «Қара құлақ»; сияқты ойындармен аяқталады.