қырғи
зат. Қаршыға тұқымдасына жататын жыртқыш құс. Дене тұрқы 30—43 см, қанатын жайғандағы ұзындығы 18—26 см, салмағы 120—280 г. Ұрғашысы еркегінен үлкенірек. Еркегінің арқасы көкшіл сұр, төбесі қара, көзінің айналасы ақ, бауыры ақ сары қоңыр дақты. Ұрғашының арқасы қоңыр, бауыры қоңыр жолақты ақ, құйрығының ұшы ақ. Қырғи ұясын белгілі бір жерге, бірақ жыл сайын былтырғы ұясының жанына жаңа ұя салады. Ұяны қылқан жапырақты орманға, әсіресе шырша басына, кейде, өзен алқабына да салады. Май айында қоңыр дақты 4—6 жұмыртқа салып, 35—36 күн басып, балапан шығарады. Қырғи Еуропада, Солтүстік Батыс Африкада, Күнгей Кавказда, Орта Азияда, Қазақстанда Жоңғар Алатауында, Тарбағатай тауларында кездеседі. Қырғиды саятшылар құсқа салады. Зиянды кемірушілерді жейтіндіктен пайдалы құс.