өрмек
зат. Алаша, қап, басқұр, бау және шекпен тоқу үшін екі басы қазыққа керіліп, желісі жерге қатар түзу тартылған, иірілген жіптер шумағы. Өрмек қазық, серу жіп, қылыш, адарғы, мосы ағаштың көмегімен күзу (күзеу), арқау жіптері арқылы ерсі (ерсі жіп) тоқылады. Тақталы алаша, терме алаша, басқұр әртүрлі боялған түрлі-түсті жіптен, ал шекпен тайлақ жүнінен арнайы оң, теріс иірілген жіптен (қазтаңдайланып) тоқылады. Өрмекке арналған жіпті араларының ұзындығын 15—25 м, енін 15—20 см етіп үш қазыққа іліп, айналдыра төгіп шығады. Өрмекші төгілген жіпті шетінен күзуге байлайды да, 2— 4 адам жіпті қазықтар арасына төгеді. Сонан соң өрмектің екі басын керіп байлап, күзу жіпті мосы ағашпен көтеріп қояды. Сонда өрмек тоқуға даяр болады.
зат.
Қазыққа керіліп, желісі жерге қатар тартылған, иірілген жіптер шумағы.