өрмек құру
Өрмектің жіптерін тоқуға даярлап, станокке орналастыру. Өрмек құру үшін 3—4 кергіш қазық, күзу шыбығы, арқалық, көтерме (мосы), адарғы, қылыш, арқау шөлнегі (жүгіртпе), серу ағаш, бақылау тізгіні, арқау және бой (өріс) жіптер қажет. Бой жіптердің күзуге тізілетін үстіңгі қатардағысын ерсі, ал күзеуге шалынбайтын астыңғы қатардағысын қарсы жіп дейді. Бұлар әр түске боялған. Ерсі мен қарсы жіптердің өзара айқасқан арасына көлденең өткізілетін тоқылудың негізін жасайтын ширақ иірілген жіп арқау деп аталады.