өрмекші
зат. Өрмек тоқитын маман. Өрмек тоқу ерте заманнан келе жатқан қол өнері. Өрмекші жүнді түтеді. Оны шүйкелеп алып иіреді. Иірілген жіпті бояп немесе бояусыз домалақтап (әр біреуі 1—2 кгға дейін) өрмек құрады. Дайын болған өрмекті алдымен бетін күзу (күзеу) жіпке қаратады, күзуге байланған астыңғы, үстіңгі жіпті адарғы арқылы кезек айқастырады, соғып (нықтап), қайталап тоқи береді. Өрмекші басқұрды, бауды түрлі-түсті боянған жіптен санап теру арқылы өрмек бетіне қоса түсіріп отырады.