Аджива
Аджива (ajiva) – үнділік жайнизм философиясында өлі субстанция (материалдық бастама), ол дживаға (жан, тірі мақұлыққа немесе рухани бастамаға) қарама – қарсы қойылады. Адживаның 4 түрі бар: 1) акаша (кеңістік), 2) дхарма (қозғалысты мүмкін ететін), 3) адхарма (қалғанның барлығын мүмкін ететін), 4) пудгала (материя). Пудгала атомдардан тұрады, ол мәңгілік, бірақ өзгерістерге ұшырайды. Осы аталған терминдердің кейбіреулері буддизм философиясында да пайдаланылады, бірақ өзге мағынада.