Аксиология
Аксиология (гр. аxios – құндылық, құн және logos – ілім) – адамдардың қажеттіліктерін, мүдделерін және тілектерін орындауға қабілетті нәрселердің, құбылыстардың, үдерістердің (процестердің) сапалары мен қасиеттерін анықтайтын және зерттейтін құндылықтар теориясы. Аксиология адам болмысында құндылықтардың мәні мен маңызын, тұлғаның іс-әрекетінің бағытталғандығы мен мотивтерін анықтайды.Аксиологиялық мотивтер барлық философиялық ілімдерге тән. Бірақ дербес философиялық зерттеулер ретінде аксиология тек XIX – XX ғ.ғ. қалыптасты. Оның дамуына И. Кант, Р. Г. Лотце, В. Виндельбандт, Г. Риккерт, Н. Гартман, М. Шелер, М. Вебер және т.б. өз үлестерін қосты. Философиялық әдебиетте әр түрлі критерийлер бойынша құндылықтар бірнеше түрлерге, жіктерге бөлінеді.