Ақпараттық қоғам
Ақпараттық қоғам (лат. informatio – түсіндіру, хабарлау) – 1945 ж. жапон ғалымы Е. Масуда енгізген термин. Екінші дүниежүзілік соғыстан кейінгі дамыған елдердегі капитализмнің бұрынғы индустриалдық капитализмнен бөлек екендігі айқындала түсті. 1960-1970 ж.ж. Батыс ғалымдары (Д. Белл, Р. Арон, З. Бжезинский, О. Тоффлер, Рим клубы өкілдері, т.б.) принципті жаңа қоғам қалыптастыру туралы ілімдерін көпшілікке ұсынады. Оны әр түрлі атаулармен атады: супериндустриялық өркениет, постиндустриалдық қоғам, технотронды, телекоммуникациялық, ақпараттық қоғам.1990 ж. шыққан Д. Нэсбит пен П. Эбурдемнің "Мегатенденциялар. 2000ж." еңбегінде жаңадан қалыптасып келе жатқан оркениеттің төмендегідей басым бағыттары аталып өтті : 1) жаңа жоғары технологиялар; 2) социализмнің кейбір әлементтерін еркін нарықтық қатынастармен үйлестіру; 3) әмбебапты өмір салты және мәдени ұлтшылдық; 4) жеке және мемлекеттік дәулеттіліктің ұштасуы; 5) өнер мен көркем мәдениеттің өркендеуі; 6) діни жаңғыру; 7) тұлға марапаты.