Антисциентизм
Антисциентизм (гр. аnti – қарсы, лат. scientia – ғылым) – адам мен қоғам өмірінде ғылым және техниканың маңызын, рөлін төмендететін немесе жоққа шығаратын философиялық және мәдениеттанушылық ойдағы бағыт. Оның негізінде табиғат пен рух туралы ғылымдарды абсолюттік бөлу, ажырату жатыр.Антисциентизм қоғамдық прогресс идеясынан түңілу, гуманистік құндылықтардың дағдарысымен байланысты және ғылымның этикалық проблемаларды шешу мүмкшншіліктерінің шектеулігіне назар аударады. Сонымен бірге ол адамның және оның іс - әрекеттерінің рационалды (ұтымды) табиғаты туралы идеяның өзін сынауға бағытталған және экологиялық қозғалыс пен табиғатқа, қоршаған дүниені дәстүрлі, техногендік емес амалмен игеру идеологиясына оралумен тығыз байланысты.