Антропософия
Антропософия (гр. аntropоs – адам және sophia – даналық) – адам рухының асқан сезімдік (сезімнен тыс) әлемге өте алатынын мойындайтын мистикалық ілім, теософияның бір түрі. Оның негізін қалаушы австриялық философ Р. Штейнер болып саналады. Енбектері "Құпия ғылым" ("Тайная наука", 1910), "Антропософия тезистері" (1925). Антропософияның мақсаты - әлемнің рухани негізімен бірігу сезімін тудыру, сөйтіп адамда оның жасырын рухани күштерін ояту. Ол үшін арнайы жаттығулар жүйесін қолдану керек (медитация, инспирация). Антропософия бойынша адамда "рухани пайымдау" ("духовное созерцание") қабілетін тәрбиелеу қажет, соның арқасында алдырмайтындық және алыстылық (неприступное и далекое) сезім органдары жанасқанда қабылданатын нәрселер сияқты тікелей жақын болар еді.