Антропоцентризм
Антропоцентризм (гр. antropos – адам, лат. centrum – түйін, орталық) – адам бүкіл әлемнің орталығы және бүкіл дүниенің құрылысының түпкі мақсаты деген көзқарас. Осы дүниетанымдық принцип ежелгі Грекия философы Пратогордың "Адам – барлық заттардың өлшемі ..." деген тезисінен бастау алады деуге болады. Қайта Өрлеу, Жаңа заман мен Ағартушылық философиясында ол тұтас концепцияға жетті, өмірлік өлшем мен гуманизмнің маңызды шартына айналды. Жаңа заманда адам еріктері мен мінез – құлықтары туралы концепция қалыптасты, оның қағидалары нарыққа, демократияға, азаттық қоғамға бет бұрған әлеуметтік мәдениетті басшылыққа алды. Антропоцентризмнің кейбір элементтері экзистенциализм, персонализм, философиялық антропология және т.б. философиялық ағымдарға тән. Түптеп келгенде антропоцентризмді қазіргі заман философиясының гуманистік сипатының тиянағы (негізі) және кепілі деп санауға болады.