Апейрон
Апейрон (гр. аpeiron – шексіз, бітпейтін) – Анаксимандр философиясында бастама, "барлық бардың басы мен негізі", уақыт пен кеңістікте басы жоқ шексіз алғашқы материя. Апейрон сапасыз, бірақ барлық сапалы анықталған денелердің негізі болады; мәңгі қозғалыста болады; "қартаюды білмейді", "мәңгілік және жойылмайды", өзіне өзі жеткілікті. Қозғалыста болып, апейрон қарама – қарсылықтарды бөледі – ылғал мен құрғақ, суық пен жылы. Осы қасиеттердің комбинациясы жер, су, ауа және отты жасайды.