Апокалипсис
Апокалипсис (гр. аpokalypsis – ақиқатты ашып айтып беру; мағынасы : Құдай шындығын және оның ерігін табиғаттан тыс тәсілдермен адамға жеткізу) – 1) христиандық ілімде (философияда) ашу, ашып айту және әулиелік, көрегендік; 2) "Жаңа өсиеттің" ("Новый завет") – Інжілдің (Библияның) бір кітабы, онда ақырзаман туралы, Айса пайғамбар мен "күпірлер" арасындағы күрес, о дүниеде болатын сот, қиямет – қайым хақында пайғамбарлық уағыздары айтылады. Бұл қасиетті жазбалардың авторы Иоанн Богослов деп саналады. Көне грек тілінде жазылған Апокалипсиске Бабыл, Мысыр, Парсы аңыздары да енген. Ондағы оқиғалар әр елдің өнерлі шеберлерін, әсіресе суретшілері мен ақындарын қызықтырып, Шығыста да, Еуропа да көптеген көркем туындыларға арқау болған.