Апория
Апория (гр. аporia – қиыншылық, амалсыз жағдай) – ертедегі грек философиясында қиын шешілетін проблеманы білдіретін түсінік, ұғым. Апория нәрсенің өзінде немесе ол туралы түсінікте қайшылық болғандықтан туындайды.Апориялар деп Элейден (қала) шыққан Зенонның пікірлерін айту қабылданған (ол өзі бұл терминді қолданбаған). Оған қозғалыс, көптік, кеңістік және уақыт түсініктеріндегі қайшылықтарды ашатын 45 апориялар телінеді (приписывается), бізге 9-ы жеткен. Олардың ішінде әйгілілері "Дихотомия", "Садақ" ("Жебе"), "Ахилл және тасбақа" және т.б. қозғалыстың мүмкін еместігін дәлелдеуге тырысады.
"Апория" термині Платон және Аристотель еңбектерінде философиялық мағына алады. "Бірінші ұстаз" (Ар-ль) бұл терминге "қарама-қарсы қорытындылардың теңдігі" ("равенство противоположных заключений") деген анықтама берген. Канттың антиномиялары осы апорияларға жақын, ұқсас.
Зенонның апориялары антикалық диалектика мен еуропалық ғылымды дамытуда мыңызды роль атқарды, әсіресе логика мен математикада үздіксіздік пен үзілістік, бірлік пен көптің, актуалды және потенциалды шексіздік проблемаларын талқылауға импульс берді.