Аристократия
Аристократия (гр. aristokratia: aristos – жақсы, kratos – билік) – құлдық және феодалдық қоғамдағы ең дәрежелі сословие (жік, топ) немесе ең жоғарғы рулық ақсүйектер, сол сияқты елде барлық билік аристократияға жататын мемлекеттік басқару формасы (түрі). Қазіргі кезеңде – билеуші таптар мен мүлік өкілдерінің, сол сияқты қоғамдық рухани элитасының жинақталған аты.Аристократия қоғамдық – саяси феномен ретінде алғашқы терең негіздеуді Аристотель еңбектерінде алды. Ол оны мемлекеттік құрылымның үш “дұрыс" формаларының бірі деп қарастырды (монархиямен қатар) және онда билеушілер өзінің іс-әректтерінде жалпы қоғамдық мүдделерді қорғайды деп есептеді. Сонымен қатар аристократия билеушілер алдымен немесе бір тұлғаның (тирания), немесе аздың (олигархия), немесе көпшіліктің (демократия) мүдделерін басшылыққа алатын мемелекеттік құрылымның “дұрыс емес" формаларына қарсы тұрады. Сөйтіп, Аристотель бойынша, аристократия – бұл қоғамның ақсүйектер тобынан шыққан алдымен жалпы игілікке қамқорлық жасайтын аз адамдардың билігі.
Аристотель концепциясы өзгерілген түрде өзінің маңызын классикалық консерватизмде сақтады және бүгінгі неоконсерватизмде сақтайды. Аристократия түсінігі қазіргі заманның саяси элиталарына байланысты теріс, жағымсыз ұғымда қолданылады.