Артефакт
Артефакт (лат. artеfactus-жасанды істелген) табиғилықтан тыс, қолдан жасалған нәрсе, мәдениеттің жемісі. Артефакт ретінде тек денелік белгілері емес, сонымен бірге таңбалық, рәміздік мазмұны бар кез-келген жасанды нәрсе қарастырылана алады. Мәдени артефактыларға мыналарды жатқызуға болады: адамдар жасаған заттар мен нәрселер, техника және еңбек құралдары, киім-кешек пен тұрмыстық жабдықтар, тұрғын үй, жол т.б. Артефакт ретінде сол сияқты қоғамның рухани өмірінің кез-келген құбылысын (ғылыми теория немесе наным-сенім, өнер және фольклор туындысы, моральдық қағидалар, т.б.) алуға болады.Артефакттарының пайда болуын және олардың негізіндегі адамдық мақсаттар мен мүдделерді талдау арқылы заттық бомыстың символикасын айқындауға болады. Артефактылар әлемі – таңбалар әлемі және оларды адамдық әрекет контекстінде ғана түсінуге болады. Функционалдық мазмұны ескірген құндылықтар тек "музейлік" мағынаға ие болады. Қазіргі мәдениеттерде артефакт мәдениеттердің динамикасын (дамуын, өзгеруін) зерттеуде бастапқы алғышарт ретінде қабылданады.