Астика
Астика – ведалардың (қасиетті көнеүнділік кітаптардың) беделін, заңдарды (дхармаларды) түсіндіруші ретінде брахмандардың (абыздардың) басымдығын және қоғамның төрт кастаға (варналарға) дәстүрлі бөлінуін мойындайтын үнді философиясындағы кез келген ортодоксальды мектеп немесе ілім. Алты ортодоксальды философия жүйесі бар: санкхья және йога, ньяя және вайшешика, миманса және веданта.«Астика» термині санскриттік (көне үнді тілі) «асти» - «болмыс» деген сөзден шыққан. Оған қарама қарсы мектептер, ілімдер «настика» (санскр. «на асти» - «бейболмыс») деп аталады. Олар ведаларды, брахмандарды және касталарды мойындамайды. Настика мектептеріне буддизм, жайнизм, адживика және чарвака жатады.