Атман
Атман (санскр. аtman – дем, тыныс, жан) − брахманистік – индуистік діни дәстүр мен философияда (санкхья, йога мектептері мен ведантаның ортодоксальды бағыттары) әрбір заттың мәнін және өзіндігін білдіретін ұғым: жан, рух, абсолюттік субъект, Мен. Атман туралы ілім сонау «Ригведадан» (Ведалардың бірі) бас алады, ал кейінгі упанишадаларда негізгі философиялық концепция статусын қабылдайды: атман дененің барлық органдарының функцияларын береді, олар (органдар) атманның арқасында ғана іс-әрекет жасайды; атман адамның жүріс-тұрысын анықтайды, брахман (Абсолют) сияқты бүкіл әлемді анықтайды; атманды білу, тану ең жоғары шаттыққа жетуге бастайды, әкеледі; атман – әлемдік Абсолюттің бөлігі, онымен атман өзара байланыса алады және бір тұтас біріге алады.Кейбір философтар атман мен брахманды теңдестіріп қараған. Буддистік философияға атманды мойындамау тән.