Аура
Аура (гр. аura – ұшқындау) – 1) жай көзге көрінбейтін адамның биоэнергетикалық қабыршығының сәулелік ұшқындауы;2) заттар мен тұлғалардың маңайынан ұшқындар шығатын болып көрінетін ерекше бір қалып, көңіл-күй, райлылық; 3) бейнелеу өнерінде – нимб (лат. nimbus – діни суреттерде адам басының айналасында шартты, яғни шеңбер түрінде нұрды (сияние) бейнелеу), ореол (лат. aureolus – алтындалған): а) нәрсенің, мысалы адам басының айналасында нұрды бейнелеу (нимб); б) ауыспалы мағынада – біреуді қошеметтеу жолында даңқ, құрмет).Аура ұғымы индуизм мен буддизмде қалыптасқан. Аураның түстері сана бастауларына, адамның көңіл-күйі, сезімі және ойларына қатысты өзгеріп тұрады. Ізгі ниеттер жарығырақ түстерді тудырса, төмен ойлар қараңғылау бояуларды әкеледі.
Аураны көру қабілеті спонтанды (өздігінен) тылсымдық түрде немесе рухани тәжірибенің арқасында пайда болады. Адамның даму деңгейіне байланысты ол әр түрлі болады: ұлы мистиктерде – өте айқын, инстинкттерде – бұлыңғыр.