Бақ
Бақ – қазақ мәдениетінде бақыт, құт-береке, дәулет түсініктеріне жақын мағынада қолданылатын ұғым. Бақ кісілік қасиеттердің ерекше бір көрінісіне жатады, адамның тіршіліктен күтетін үмітін, ниетін, арманын білдіреді. "Таудай талап бергенше, бармақтай бақ берсін" деген халықтық нақыл сөз бар. Бағы жанған адам – таусылмас дәулетке, құтты өмірге, адамдық сыйластыққа жеткен тұлға. Халықтық дүниетанымда бақ өмір жолын таңдап алумен байланыстырылады, оның басты кепілі адамдық қасиетті жоғалтпау болып табылады.