Бұқаралық сана
Бұқаралық сана (ағыл.mass mind) - әлеуметтік философияда кемелденген индустриалдық қоғамның қатардағы азаматтарының бұқаралық ақпарат құралдары мен бұқаралық мәдениет стереотиптерінің ықпалымен қалыптасатын шаблондық, тұлғасызданған санасын, сол сияқты практикалық қызметтің бір типті құрылымдарына қосылған және әлеуметтік иерархияда бірдей орын алатын адамдардың ұқсас өмірлік тәжірибесіне негізделген теориялық дүниетанымға дейінгі формаларының бірін белгілейтін термин. Адамның әр текті эмпириялық материалды реттеуге, өмірлік тәжірибенің қайшылықты элементтерінен әлемнің біршама тұтас бейнесін құруға табиғи ұмтылысының нәтижесі ретінде пайда болады.Бұқаралық сананың құрамдас бөліктері ретінде мыналарды айтуға болады: 1) іс-әрекеттің нақты-ахуалды бағдарламалары, практикаға тікелей өрілген (енгізілген) анық емес білім (неявное знание); 2) күнделікті тұрмыстық және кәсіптік тәжірибені жинақтайтын әдеттегі өмірлік ұстанымдар мен рецептер; 3) тап осы мәдениетте үстемдік ететін құндылықтар жүйесіне, мәдени дәстүрге негізделген тұтас әлемнің бейнесі.