Вакханалия
Вакханалия – ежелгі грек және рим мифологиясындағы өсімдіктің, шарап пен көңілділіктің Вакх деп аталатын құдайы, жүзім өсіру мен шарап дайындаудың пірінің құрметіне арналған мейрамдық рәсімдер. Оларды дионисийлер деп те атаған. Бұл мейрамдарда көңілді шерулер, ақындар мен хор сайыстары өткізілген. Вакханалияда тәртіп, жүйе, реттілік өзіндік масаттануда стихиялық серпінмен бекерге шығарылады, яғни стихиялы жүгенсіздік, бейберекетсіздік орын алған.Гесиод бойынша, Олимп құдайлары вакханалияны жиі ұйымдастырып тұрған. Тек Зевстің ақырған даусы тәртіп пен үйлесімділікті қалпына келтіретін болған. Ортағасырлық карнавалдық ("халықтық") мәдениетте де вакханалия мотивтері анық байқалады. Көрнекті әдебиеттанушы, философиялық антропологияның белгілі өкілі, эстетик М.Бахтин әлемдік діндерде вакханалияны адамды рухани аздыратын құбылыс деп есептеген.