Вандализм
Вандализм (лат. vandali - талқандаушылық) – Риммен қатыгездік сипатта соғысқан ежелгі германдық вандал тайпаларының атынан қалған, мәдени қиратушылықты сипаттайтын ұғым. 455ж. вандалдар Римді жаулап алып, ондағы көптеген құнды өнер ескерткіштерін жойған. Сол себепті вандал деп надан, варвар, мәдени құндылықтарды қиратушы адамды айтады. Вандализм – мәдени және материалдық игіліктерді мағынасыз жоюшылық, варварлық, қатыгездік, деструкциялық (бұзушылық, қиратушылық) әрекет. Біздің заманымыздың өзі бірнеше вандализмнің куәгері болды: неміс фашистерінің, тоталитарлық большевизмнің, Қытайдағы маоистік "мәдениет революциясы" кезіндегі қиратушылықтар, сол сияқты этникалық қақтығыстардағы вандализм көріністері.