Вестернизация
Вестернизация (нем. West-батыс) – Батыс мәдениеті үлгілерін қабылдау, басқа мәдениеттердің батыстандырылуы немесе батыстық мәдениеттің жеке құндылықтарын қабылдау (реципиент ретінде). Вестернизация деп Америка мен Африка құрлықтарындағыдай батыстық мәдени нормаларды күшпен енгізуді айтпайды. Ол негізінен мәдени қабылдаушы елдің басқарушы элиталық тобының белсенділігімен жүргізілген (Ресейде І Петрдің реформаларын, Түркияда Кемал Ата-түріктің ("жас түрікшілдер" революциясын, Латын Америкасында АҚШ-тың құндылықтарды біртіндеп қабылдауын, т.б. атап өтуге болады).Вестернизация тек Батыс технологиясы мен өндіріс жаңалықтарын қабылдаумен шектелмей, осы өркениеттілікке тән құндылықтарды (демократия, адам құқықтарының басымдылығы, толеранттылық, ақпарат еркіндігі, азаматтық қоғам, т.б.) енгізумен айқындалады. Бұл белгілері бойынша, вестернизация қамтыған елдер деп Жапония, Оңтүстік Корея, Шығыс Еуропаның кейбір мемлекеттерін айтуға болады. ТМД кеңістігінде вестернизация әлі қарқын алған жоқ. Жастардың тек батыстық бұқаралық мәдениет үлгілерімен әуестенуі шынайы вестернизацияға жеткізбейді. Вестернизацияға ұшырап отырған елдерде оған қарсы дәстүрлі мәдениеттің оппозициялық көңіл-күйі де қалыптасады (әдетте діни топтар мен маргиналдық қауым, олар вестернизация нәтижесінде қоғамда алып отырған орындарынан айырылып қалу қаупінен қорқады).