Гуру
Гуру (санскр. – рухани ұстаз) – Үндістандағы сикхілер діни қауымының басшысы. Бірінші Гуру ретінде сикхизмнің негізін салушы Нанак (1469-1538) танылды. Кейін бұл лауазым мұрагерлік етіп жарияланды, сондықтан 17 ғ. Гуру жерді иеленуші және сикх қауымының мүшелерінен салық жинайтын жалпы басшыға айналды.Гуру қазіргі мәдениеттануда рухани қолбасшы, ұстаз мағынасында да қолданылады. Шығыс мәдениетінде ұстаз тек оқытушы, үйретуші ғана болмай, сонымен қоса шәкірттің, ізбасардың рухани әкесі, шексіз беделдің иегері болып есептелген. Осыған байланысты шәкірт ұстазының білімдерін ғана меңгеріп қоймай, оның бүкіл өмірінен тәлім алуға тиіс.