Догматизм
Догматизм (гр. dogma – пікір, ілім, шешім) – практика (тәжірибе) мен ғылымның жаңа мәліметтерін, орын мен уақыттың нақты жағдайларын есептемейтін, яғни шығармашылық даму мен ақиқаттың нақтылық принципін ескермей өзгеріссіз ұғымдар, формулаларды қолданатын (пайдаланатын) ойлаудың амалы (тәсілі).Догматизмнің пайда болуы сынға жатпайтын және барлық діншілдер үшін міндетті айқын ақиқат ретінде бекітілетін діннің догматтарына сенуді талап ететін діни көзқарастардың дамуымен тарихи байланысты. Сол сияқты догматизм түсінгі де әр заманда әртүрлі болды. Антикалық скептицизмнің жақтаушылары догматизмге әлем туралы әртүрлі жағымды ілімді жатқызған. Жаңа уақытта (дәуірде) Кант, Декарттан Вольфге дейінгі рационалистік философияны "догматикалық" деп атады. Қазіргі заман философиясында догматизм әлемнің өзгергіштік және даму идеясын жоққа шығаратын антидиалектикалық концепциялармен (тұжырымдамалармен), сол сияқты дамудың диалектикалық заңдарының өздері әр түрлі тарихи жағдайларда, әр түрлі объектілер мен процестерде әр түрлі көрінетіндігін түсінбеумен байланысты.