Дуализм
Дуализм (лат. duo – екі, dualis – екі жақты) – әлемнің тең тәуелсіз екі бастамасы бар деп қарастыратын, мойындайтын ілім, көзқарас. Ол таным процесін талдау (гносеологиялық дуализм) немесе болмысты әйтпесе оның белгілі бір аспектісін түсіндіру үшін (онтологиялық дуализм) пайдаланылады.Гносеологиялық дуализмнің мысалына болмыс пен ойлаудың, субъект пен объектінің, сол сияқты мән мен құбылыстың дуализмі жатады. Ал онтологиялық дуализм мысалы ретінде материя мен рух, игілік пен зұлымдық дуализмін айтуға болады.
Дуалистік сипат көбінесе Р.Декарт пен И.Кант философиясына тән. Дуализм монизмге (бір ғана бастаманы мойындайтын) және плюрализмге ( екіден артық бастамаларды мойындайтын) қарсы қойылады.