Евгеника
Евгеника (гр.eugenes - асыл тұқымды) - адамның тұқым қуалаушылығы және оны жақсарту жолдары туралы адам генетикасы мен медициналық генетиканы қолдануды пайдалануға шақыратын ілім.Евгениканың әсіре бағыттары нәсілшілдік пен «әлеуметтік дарвинизм» ағымдарының теріс идеяларын пайдалана отырып, адамдардың мәдени теңсіздігі олардың психо-физиологиялық айырмашылықтарына байланысты және адамдардың «жаңа түқымын» шығару керек деген антигумандық қағидаларды үстанған. Бірақ евгениканың және оның жаңғыртылған қазіргі бағыттарында көптеген маңызды адамдық мәселелер көтерілген. Неоевгениканың өкілдері (П. Рамсей, Ч. Фрэнкель, Дж. Ледерберг, Д. Рорвик, М. Эбон және т.б.) түқымдық инженерияның (генная инженерия) қойған жаңа мәселелеріне назар аударады. «Жасалып жатқан адам» еңбегінде П. Рамсей зиянды түқымдық мутацияларға қарсы күрес қажеттігін алға қояды, сонымен бірге ол адам «фенотипін» жөндеу, жасанды пробиркалық нәресте , тұқымдық бакылау, демографиялық қысымды азайту мәселелерін гуманизм мен этика талаптарына сай шешуді қалайды. Ч. Фрэнкель «Евгеника елесі» деген мақаласында биомедициналык биоэтикаға тәуелді болуын жақтап, жаңа евгеникалық жобалардың адамзат қүндылықтарынан алшақтамауын қолдайды. Дж. Ледерберг клондау (адамдардың жасанды баламаларын көбейту) идеясының озық жақтарына басты назар аударды. Бірақ адамдарды генетикалық жолмен модификациялау көптеген гуманитарлық және этикалық қиындықтарға, проблемаларға үшырауда.