Заң
Заң - 1) қүқықтануда қоғамдық, мемлекеттік өмірдің маңызды мәселелері бойынша қабылданатын және жоғары юридикалық күші бар нормативті-құқықтық акт (жарғы, қаулы, т.б.). Заңды, әдетте, мемлекеттік биліктің жоғары өкілетті органы парламент немесе референдум арқылы қабылдайды; 2) философияда құбылыстардың ішкі байланысы және өзара шарттастығы. Бірақ құбылыстардың және процестердің кез келген байланысы заң, заңдылық бола бермейді. Заңға тән байланыстар белгілері, сипаты төмендегідей: - заң (заңдылық) ең алдымен объективтік сипатқа ие, ол санадан, ойдан шығарылмайды; - заң құбылыстардың бәріне ортақ жалпылық; - заң бір-бірінен сырттай тәуелсіз нәрселердің ішкі қажетті байланысы; - нақты көрінісі қаншалықты құбылмалы болып жатса да, заң солардың бәрінде де сақталатын тұрақты, қайталанып отыратын байланыс; - заң мәнді құбылыс (существенное явление), ол (заң) құбылыстарда көрінетін, құбылыстық түрде іске асатын мән.