Индуизм
Индуизм- Үнді халқының көпшілігіне тән діни көзқарастардың, әдет- ғұрыптардың, діни жоралық және әлеуметтік- тұрмыстық институттардың жиынтығы (индуист деп жоқ дегенде ата-аналарының бірі үнділік болатын және басқа дінді қабылдамағанды есептейді). Индуизмнің тамырлары көне үнділік дін-брахманизмге барып тіріледі. Онымен генетикалық байланыс, мысалы, мынадан көрінеді: индуизмнің ең құрметтейтін құдайлары брахманизмнің үштігі (троица) болып саналады, яғни Брахма (жасаушы), Вишну (сақтаушы), Шива (бір мезгілде жаратушы, сақтаушы және қиратушы).Барлықтары үшін үйлесімді және міндетті діни сенім жүйесі, шіркеулік ұйым, діни қызметпен байланысты мәселелерді шешу үшін бірыңғай басшы орталық немесе институт болмаса да, діни догматтардан ауытқуларға белгілі төзімділік орын алса да, индуизмде қоғамдық- тұрмыстық дәстүрлерге өте қатаң талаптар қойылады. Индуизм қоғамдық, отбасылық және жеке өмірдің сфераларына қойылатын, сол сияқты халықты араларындағы айырмашылықтар кейде қазірдің өзінде мызғымайтындық деп есептелінетін көптеген топтар, касталар, подкасталарға бөліп, олар үшін әр түрлі болатын көп шектеулер мен тыйымдарды бұзуларға өте- мөте төзімсіз.
Индуизмнің негізгі бағыттары- вишнуизм, шиванизм, шактизм (Шакти- Брахманның әйелдік көрінісі). Касталық дискриминацияға заң жүзінде тыйым салынса да, касталық антагонизм және индуизмнің басқа айтарлықтай көріністері қазіргі Үндіде реакциялық роль атқарады.