Инь және Ян
Инь және Ян - бірін-бірі толықтыратын екі күшті немесе өмірдің барлық аспектілері мен құбылыстарын қамтитын екі принципті білдіретін қытай философиясындағы ұғымдар. Инь жер, әйел бастама, қараңғылық-түнек (тьма), енжарлық (пассивность) және жұту (поглощение) ретінде қабылданады; бұл бастама барлық жұп сандарда, алқаптарда және су тасқындарда бар болады, жолбарыс, қызғылт сары түс және үзілмелі сызық символдарымен көрсетіледі. Ян аспанды, еркек бастаманы, жарықты, белсенділікті және енуді білдіреді; бұл бастама тақ сандарда және тауларда бар болады, айдаһар, көкшіл түс және тұтас сызық символдарымен көрсетіледі.Олардың екеуі де жоғарғы алғашқы бастамадан (тайцзи) пайда болды және өзара бір- біріне әсері (біреуінің артуы, көбеюі екіншісінің кемуіне, азаюына әкеледі) әлем мен ондағы барлық бардың дамуының принципі болады. Үйлесушілік жағдайда (гармонияда) олар шеңбердің жарық және қараңғы жартылары ретінде бейнеленген. Инь-ян концепциясы қытай ойында бес стихиямен- металл, ағаш, су, от және жермен байланысты. Көне қытай философиясына тән «инь-ян» принциптері даосизмде ұғымдар ретінде қалыптасты.